نشر بتاريخ: الأربعاء, 10 يوليو, 2013
كتابتنا | بواسطة admin

من امام مسجد التوحيد ببورسعيد .. انا وانصار مرسي

انشر هذا
الوسوم
Share Button

Your ads will be inserted here by

Easy Plugin for AdSense.

Please go to the plugin admin page to
Paste your ad code OR
Suppress this ad slot.

كتب/ تامر مبروك
اليوم بعد صلاه التراويح اتصلت بواحد عايز مني حاجه قالي تعالى عند مسجد التوحيد http://www.el-balad.com/upload/photo/gallery/17/8/600x400/367.jpgومش غريب لاني عارفه سلفي اصلي وصلت على ناصيه الساحه الرياضيه واتصلت به علشان يطلع ليا وبعدين لاقيت كل بتوع التأمين بيبصولي وجايين ناحيتي وبيقولولي بابتسامه حذره
انت ايه الي جايبك هنا مش مكانك المسله
رديت بدون تفكير انا بورسعيد واروح في اي مكان انا عايز اروحه سواء في المسله او هنا لحظات وخرج ليا الراجل اعطيته الامانه وبعدين لاقيته بيقولي ماتيجي تدخل معانا محتاجين عدد وناس قلت ليه لا الف شكر بلاش انا شويه ولاقيت ناس تانيه جايه عليا لكن انا اعرفهم منهم من كان معي زمان في الدراسه ومنهم من كان معي في احد مصانع الاستثمار وبردوا بيسألوني نفس السؤال انت ايه الي جايبك هنا مش مكانك المسله!!! برضوا رديت نفس الرد الاول وبعدين قلت لنفسي كفايه كده انت اديت للراجل الامانه بتاعته توكل على الله قولتلهم مع السلامه وخلوا بالكم من نفسكم وربنا يهدي حال البلد وحال اهلها
مشيت ورايح اركب ام الميكروباص لاقيت الحلاق بتاعي وبرضوا هو سلفي بس مش متعصب وبيعطي لنفسه فرصه يفكر وبرضوا نفس السؤال هههههههه قلتله هو في ايه ياجدعان هو الناس بتاعتكم الي بتراقبنا في المسله ماحدش فيهم بيشوف حد غير انا قالي طيب تعالى ندخل قولتله اونطه ابدآ قالي طيب بلاش تدخل انا عازمك على حاجه ساقعه من الكشك دخلت معاه الكشك الموجود امام اخر سور المسجد وبدايه سور والساحه الرياضيه فتح الحاجه الساقعه فوجدت اصحاب الكشك فاتحين على تايم سنما وشباب قاعد بيشرب سجاير وست كبيره قاعده فتعجبت
وقلت في بالي الناس دي مش خايفه واحد من جوه يطلع يكسر ليهم التيلفزيون ويقولهم مش فاتحين على اقرا ليه
المهم فضل الحلاق صحبي يتكلم معايا حوالي 45 دقيقه والمنصه من بعيد شغاله هتافات (اسلاميه اسلاميه) وكلمات لبعض الحاضرين المعروفين عندهم لان لما بيتقال الاسماء الاقي واحد بيقول فلان الفولاني هيتكلم تعالى نسمعه شويه اسمع هتافات وكلام متعصب وشويه هتافات سلميه سلميه
قولت لصاحبي الحلاق هل من الممكن نعمل صلح بين المجتمع والناس بتوعك دي؟ رد عليا وقالي الصلح الي احنا عايزينه مش هيرضي الطرف الاخر والعكس
قولتله ليه؟؟ قالي هل هتخرجوا مرسي يحكم تاني قولتله مرسي يتقدم للمحاكمه والقضاء يخرجه لكن يرجع رئيس انسى بدأ ناس ملتحيه تتجمع حولي تسمع وسبب التجمع انهم كانوا بيشتروا بسكوت وحاجه ساقعه من نفس الكشك وكانهم بيقولوا مين الي بيقول الكلام ده هنا المهم قولتله انتوا عارفين ان مرسي مش راجع لاكن لازم تعرفوا ان في ناس كبيره مستفاده من اعتصامكم حمايه ليهم زي صفوت حجازي في رابعه العدويه قالي عارفين قلتله ان وقوفكم ده سببه انكم عايزين لما تقعدوا على ترابيزه المفاوضات يكون معاكم كرت تلعبوا بيه قالي عارفين قولتله قلتله طيب انتم عايزين ايه تاني موقفكم الان قوي مازلتم في السلميه مازال هناك دول تشعر بان شرعيتكم التي جائت بالصندوق اخذت منكم بقوه الجيش لكن هم يعلمون بان سبب تدخل الجيش هو شرعيه الشعب ورغبته في اتخاذ مصيره ولاتراهنوا على امريكا بمجرد ان تجد مصالح لها مع طرف اخر هتبعكم قالي برضوا عارف
قولتله طيب لما انت والناس عارفه الكلام ده ليه معتصمين لغايه دلوقت قالي الاتي كل الناس دي تخشى من شيئ واحد وهو

Your ads will be inserted here by

Easy Plugin for AdSense.

Please go to the plugin admin page to
Paste your ad code OR
Suppress this ad slot.


انهم يعلموا بان هناك مخابرات وسطهم سواء في بورسعيد او في رابعه او ميادين تاييد مرسي ويخشوا بعد فض الاعتصام ان يتم القبض عليهم ويتم تعذيبهم من جديد كما كان في عصر مبارك والشعب المره دي مش هيدافع عنهم زي زمان وجزء من المعتصمين عشان بيطالب بعوده مرسي لانه الضمانه الوحيده لحمايتهم وجزء اخر علشان اقامه شرع الله في الارض لكن لو في ضمانه فعلا ان هؤلاء الناس لايتم محاربتهم او تعذيبهم لو فضوا الاعتصام هيفضوا من الان ومش هيفضل غير بتوع الشرعيه
فكان ردي نحن نضمن لك ذلك قالي انتوا مين قولتله احنا من اسقطنا مبارك احنا من نحترم حقوق الانسان احنا من نرفض الظلم احنا من لن نسمح بذلك لاننا نعلم انه قد ياتي الدور علينا لو تركناكم فرد صديقي ايوه اؤكلت يوم اؤكل الثور الابيض قولتله تمام هو ده احنا العلمانيين الليبراليين الكفره فشاهدت من خلفه الشباب الملتحي الذي كان يستمع للحديث ينظر لي وكانه يقول لي خسئت ههههههههه اكملت الحوار بنصائح طلبت منه ان يعرضها عليهم وهي
ضروره الجلوس على طاوله المفاوضات مع التأكيد على وجود ضمانات للخروج الامن
اسكات الاصوات المتشدده التي تخرج تتحدث عن الدم والتفجيرات والعمليات الارهابيه لان ذلك يضعف موقفهم دوليا وداخليا مع المجتمع المصري
ترك القضاء المصري ليقول كلمته في من ضده اي بلاغ او اتهام
عدم تكفير المجتمع والاطراف السياسيه الاخرى حتى لاتزيد الفجوه
لكن للاسف فؤجئت ان صديقي يقول لي لا اعتقد انهم هيقبلوا بكده لانهم عارفين ان الي هيحكم هيكون ضد مرسي حتى ولو كان مرسي فعلا مدان وان لو انسحبنا بوعد عدم ملاحقهم امنيآ لمجرد الاعتصام سنقد العسكر والداخليه وعدهم معنا وان الطرف الاخر الي هو احنا الي بنخرج نحاب الدين والاسلام في الفضائيات
ياعني خلاصه الكلام للاسف مازالت المعادله معقده وصعبه
تم.

Share Button

معلومات عن الكاتب

-

  • شاهد كاملا كلمات محاميين بورسعيد المدافعيين عن متهميين التظاهر لمشروع الاسكان الاجتماعي : الحقيقة المصرية علق على تامر مبروك في كلمتة بنقابة محاميين بورسعيد سأتغاضى عن الخلافات وامد يدي للجميع من اجل ابناء بورسعيد
  • محافظ بورسعيد المرحلة الاولي الاولية للمطلقات والارامل نظرا لقلة عددهم وبناء بورسعيد وجزء من الشباب المرحلة الثانية : الحقيقة المصرية علق على نص ما جاء بالفيديو من الغضبان: لمتقدمي مشروع الاسكان الاجتماعي . انت بتهيج الشارع ومافيش تسليم
  • خطير فتيات الليل في مصر ومهمَّة انتزاع الأعضاء البشرية,ضحايا يُقدِّمون شهاداتٍ صادمةً ومستشفيات تتستّر على الجناة : الحقيقة المصرية علق على Prostitutes tempt migrants to sell their organs in Egypt – report
  • Said Faisal Hassan AL-Sultany علق على فيديو حلقه العاشره مع اخت المصريين جميله اسماعيل المذبوحه و عميل النظام المدعو موسى مصطفى … موسى اهان اليسار المصري وجريده البديل المصريه وفشل في تعاطف المشاهدين ونجح في احراق الغد ؟
  • القصه كامله حول النصب علي هشام رافت من شركه كويلتنج ايجبت مع نص الدعوي المقدمه للمحكمه علق على شركه اللوتس للملابس الجاهزه ومشتقتها ببورسعيد الى اين؟.. انقذوا عمال مصر من مستثمريها