الرئيسية / انفرادات / الاسكان ببورسعيد ..محافظ بورسعيد يعجز الشباب والشروط المطلوبه تتوافق فقط مع تجار المخدرات..وسلمولي على محرومي الدخل

الاسكان ببورسعيد ..محافظ بورسعيد يعجز الشباب والشروط المطلوبه تتوافق فقط مع تجار المخدرات..وسلمولي على محرومي الدخل

كتب/ تامر مبروك/مصر/بورسعيد

أعتصم اكثر من 2000 شاب وشابه من أبناء بورسعيد امام مبنى المحافظه وامام مراكز توزيع الاستمارات الخاصه بالاسكان لبورسعيد

بسبب الشروط التي فرضتها المحافظه على استمارات الشباب تحت حصار كبير من عساكر الامن المركزي الذين تسلحوا بالعصي والمدافع المسيله للدموع

وأغلقت جميع مداخل ومخارج الشوارع المؤديه لمبنى المحافظه الذي اعتصم امامه المواطنين وذلك تحسبا لاي احتكاك او رد فعل غاضب من الشباب

وهتف شباب بورسعيد بأسقاط المحافظ

ووصفوه

((لمشاهده الفيديو الخاص بالاعتصام واستمارات التقديم

لمشاهده جميع فيديوهاتنا برجاء أضغط هنا))

ثم اضغط على الرابط في نفس الصفحه التي ستفتح لك والتي ستصل بك لجميع الفيديوهات


بالظالم وأتهم الشباب المحافظ مصطفى عبد اللطيف بأن الشروط التي فرضت

على الشباب المتقدم للحصول على شقه من المحافظه تحت مسمى برنامج الرئيس الانتخابي

وصفت بالشروط التعجيزيه حتى لا يستطيع الشباب التمكن من الحصول اي اي شقه من المحافظه

بل علق احدهم ساخرا ان الشروط المطلوبه تتوافر فقط في تجار المخدرات والبانجو

وعلق البعض الاخر على ذلك بأن الدوله بهذا الشكل تدعونا للسرقه لتوفير المبالغ المطلوبه منا

ورد شباب أخرين عليهم بأن البورسعيديه لم يعد لديهم ما يسرق

وطالب ابناء بورسعيد المحافظ مصطفى عبد اللطيف بالنزول اليهم وسماع شكواهم

الا ان محافظ بورسعيد لم يستجب لهم وظل جالس في مكتبه تحت التكييف

والجدير بالذكر ان محافظ بورسعيد فشل في امور كثيره تعلقت بمشاكل بورسعيد

لدرجه ان البورسعيديه وصفوه بأنه اسوء محافظ جاء لهذه المدينه

والحقيقه المصريه تواجدت بالكاميرا مع المواطنين تضامنا معهم ومع مشاكلهم

وقمنا بتصوير اجزاء من الاعتصام بالصوت والصوره ليشاهده العالم وليعرف الجميع

ان المشروع القومي للاسكان أكذوبه كبيره وان برنامج الرئيس الذي وعد به الشباب

وخاصه محدود الدخل لم ينفذ حتى الان

وتتعهد الحقيقه المصريه بفتح ملف الاسكان ونشر خباياه وما يدار خلف الكواليس

ونحذر المسئولين وخاصه المحافظ ومديرين الاسكان ببورسعيد

انه في حال عدم الاستجابه لمطالب الشباب في هذه المشكله بالذات

فسيؤدي ذلك لكارثه لم ولن تستطع الدوله السيطره عليها

وتابعونا دائما لاننا سنفضح المتواطئين والمرتشين

===

شاهد الفيديو

وهذه هي استماره الشروط

أضغط على اي صوره لقراءه الشروط بوضوح

المشروع القومي للاسكان أم للبرنجان

 

مطلوب تجار مخدرات او حتى بنجو الفقراء يمتنعون

يا مصيبتي السوداء( دا الواحد يسكن في الطرب أوفر)


يا بنوكك يا سويسرا

شوف كام أيد بتأجر عشان اصور مصيبه الاسكان!

=============

وهذه صور من المظاهره بعدسه الحقيقه المصريه






====




شاهد أيضاً

مشكلة متأخرات الايجارات في المشاريع القديمة

تامر مبروك مشكلة متأخرات الايجارات في المشاريع القديمة كيف تحاسبون متقدمين المشروع الاجتماعي بذنب متأخرين …

15 تعليق

  1. حسبى الله ونعم الوكيل عايزين يعملوا ايه فى شباب بورسعيد اكتر من كدهانا كنت مقدم على شقه فى مشروع زمزم او الشقق الى كانت باقيه من زمزم وقالوا اتفع عشره الاف وعند الاستلام تدفع سته الاف وبما انى كنت من خريجى مشروع المراكز المتميزه لاعداد العماله البتروليه الماهره ووزعونا بعد سنه على بتروجت قلت انا عديت بقى لما اجوز وحماتى الى هى عمتى قالتلى اتجوز معانا بدل المفروش وقدم على شقه طبعا كانت المفاجاه الراتب 200 جنيه وبعد كام سنه وصلوا 360 جنيه كان بقى معايه ولد ونزلت فعلا استمارات المحافظه استلفت الفلوس علشان اقدم وطبعا مقدرتش اسدد المهم ربنا مرضيش يزلنى لحد وسافرت الامارات واعمل بشركه مأكولات سريعه راتبى 800 درهم يعنى حاجه تضحك الحمد لله المهم البحث جه وشافت بت حماتى المكون من طابقين كل طابق غرفه واحده فقط وكانت زوجتى وضعت مولودها الثانى بعد شهر من سفرى والباحثه شافت الوضع كويس تطلع نتيجه البحث ان مراتى واولادى معى فى الامارات والله منا عارف اضحك ولا ابكى والاغرب من كده انهم بيقولوا ان والدى عنده شقه تانيه طب وانا مالى طب منا عندى اخوات من ام اخرى وازاى والنبى مراتى واولادى معى فى الامارات وانا راتبى 800 درهم يعنى بجد قولولى حاجه تضحك ولا تبكى يعنى انزل مصر واجوع انا ومراتى واولادى علشان السيد الباحث يكون فرحان ولا ادخل مع الناس الى وقفت بجانبى وساعدونى فى مشاكل واطلع حرامى وعلى فكره الوظائف فى شركات البترول كولها للاغراب حتى الشقق كمان هما عايزين اييه من البورسعيديه اكثر من كده حسبى الله ونعم الوكيل

  2. أستاذ اينو
    بصراحه كده انت مالكش حق خالص
    بقى يا ضالم مرتبك 360 جنيه مره واحده وتسيب مصر
    يااااااااااااااااه ده مرتب عالي جدا وعلى كده كنت بتحوش منه؟؟
    اكيد انت حوشت مرتب شهرين وحولتهم ل دولارات وسافرت على بره بصراحه حاجه تجن المجنون وتخلي الاقرع يشد في شعره
    اما عن موضوع الباحث فبصراحه شديده هو عنده حق وانت الغلطان طبعا
    لان كان من المفروض انك تاخده معاك الامارات عشان يبحث الشقه المفروشه الي انت ساكن فيها هناك انت وعيالك
    مش بس كده دا كان لازم تسفره على طائره خاصه كمان
    انت عارف ان الباحثين مايعرفوش حاجه اسمها دراهم حاول تفك عمله بالمصري لا تقع في مشكله
    ياراجل اسكت دا انت ارحم من غيرك كمان طيب خد دي عندك
    ليا صاحب ساكن هو وعياله في بيت لا يوجد له اوراق لانه من ايام الملك فاروق بجد مش بهزر وجابوا ملكيه البيت من القلعه والبيت كمان ماتقدرش تدق فيه مسمار لان لو خبط خبطه عالحيطه ممكن البيت كله يقع بالكامل والمصيبه ان البيت كله عباره عن غرفه وصاله وحمام ومطبخ هتقولي ايه الغريب في كده اقولك ان هو عايش مع اخوه واسرته ايضا في نفش الشقه وحالهم يصعب على الكافر المهم الباحث كتب ان صاحبي ده لا يستحق تخيل ليه؟ لان الطالب الي هو صاحبي ياعني عايش مع اخوه في نفس العقار في امان وسلام ومحبه ولا توجد خلافات بينهم تخيل الباحث ده الله يعمر نقول عليه ايه ده غير انه وهو بيزور البيت كان خايف يطلع اصلا الشقه لحسن البيت يقع بيهم فلما صاحبي قالي الكلام ده قلتله بسيطه جدا روح كسر عظم اخوك او خليه يموتك عشان الباحث يقول انك تستحق
    بصراحه حاجه تجن فعلا المفروض ان الدوله ملزمه بتوفير شقه لكل زوج وزوجه ببورسعيد سواء كان الزوجين اغنيار ام فقراء سواء كانوا عايشين في مفروش او مع احد اقاربهم بشرط عمل عقد والعقد شريعه المتعاقدين بأن من يحصل على شقه لا يجوز له بيعها او تأجرها لاحد وفي حال ثبوت ذلك يتم سحب الشقه فورا في الحاله دي هتتحل المشكله لان اكيد حضرتك عارف وانت سيد العارفين يا استاذ اينو ان في ناس ببورسعيد اخذت من المحافظه بدل الشقه 3 مره بأسم الزوجه ومره بأسم الزوج ومره بأسم الاثنين والمحافظه ف الطراوه
    يا عم اينو البلد باظت خلاص ربنا يهون عليك غربتك وترجع لينا بالسلامه
    وربنا معاك
    وشكرا على الموضوع الي انت كتبته ده لان تجربتك فعلا تستحق الدراسه
    تحياتي لك
    وعايزين نشوف رأيك وتعليقاتك على المواضيع الي بنكتبها عالموقع وتعرف حبايبك البورسعيديه بالموقع جايز يخفف الموقع بتاعنا من نار غربتك انت وحبايبنا الي طفشوا من البلد

  3. دعوة عامة الى اباء شباب بورسعيد …
    انا اب لشابين مكتوب كتابهم …
    اطالب مسؤلين الاسكان ببورسعيد …
    كما وفروا لاولادنا الاستمارت …
    فعليهم ان يوفروا لنا
    مشترين للاعضاء البشرية …
    انا اريد مشترى ( لكليتى )
    مقابل ان يدفع مقدم الشقتين لاولادى …
    انا منتزر زبون يشترى الكلية………….

    اية رايك يا اخ تامر …
    مش تقولى مخدرات وبانجو انتا عايز تسجنا … هذا هو الحل
    الاباء وشباب بورسعيد …
    بيعوا اعضائكم …
    بيعوا اعضائكم …
    بيعوا اعضائكم …
    بيعوا اعضائكم …
    بيعوا اعضائكم …
    بيعوا اعضائكم …
    بيعوا اعضائكم …
    بيعوا اعضائكم …
    بيعوا اعضائكم

  4. متشكر اوى يا استاذ تامر على التعليق ده
    والله البورسعيديه ما بيحسوش الا ببعض
    دلوقتى كل لما تتكلم مع واحد من اى محافظه تانيه تحس انك كنت يهودى وواكل حقوقهم
    يقولولك
    يا عم انتو شبعتم خلاص
    ده انتوا كنتوا عايشين فى فته
    على العموم انتا راجل اوى اوى وانا معجب بشخصيتك وربنا معاك ومعانا

  5. يا استاذ محمد عطا
    عيب عليك عايز تبيع كليتك لوحدك يا راجل
    امال انا روحت فين نيعها سوا
    بس خلي بالك انا هنافسك في السوق لان انا عليا 42.500 جنيه مصري مقابل حبي لبلدي والدفاع عنها وتعويضا عن كشف فساد هيدمر بورسعيد قريبا جدا
    واسمح لي ابيع معاك العده وأكتب الاسعار

    بشرى ساره لتجار الاعضاء في العالم

    كليه بحاله جيده ب 50 الف جنيه

    دراع ايمن طوله متر عمره ما مد ايده للحرام ب 10 الاف جنيه

    زراع ايسر عمره ما افترىنا بيه على حد ب 10 الاف جنيه

    عين طول عمرا شايفه الفساد ومابيغمضش رمشها ب30 الف جنيه

    لسان عمره مانطق بغير الحق ب 5 الاف جنيه

    اذن بتسمع شكوى المصريين يوميا ب 5 الاف جنيه

    قلب بيحب بلده جدا وبيخاف عليها ب 50 الف جنيه

    يبقى الحسبه كلها تساوي 160 الف جنيه

    يا بلاش قرب قرب قرب
    الاقونا الادي الاتري

    وهناك اسعار خاصه جدا لاول ثلاث زبائن

    ملحوظه هامه جدا

    ضميرنا مش للبيع ولو بكنوز الدنيا
    وربنا يخليكم لينا ولمحرموين الدخل

  6. انا بس عاوز اعرف لية المسولين مش حاسين بينا انا مرتبي 300 جنية بالله عليك ادخل الزي في المشروع دة والله بجد انا بس عاوز اسال سؤال لية المحافظين لازم يكون كانو الواء في الجيش مهو لازم ميحسويش بينا لان هم مش زينا كل المسولين بيقعد و في التكيفات واحنا نتفلق بجد احنا زهقنا من الدنيا كلة ولا عارفين نشتغل ولا نتجوز ولا حتي عارفين نسرق لان الحرامية كتيرررر اووووووي قالي بس يا استاذ تامر نعمل اية

  7. يا استاذ تامر انا نفس اقعد اتكم مع مسؤل من الدولة واشوف هو بيفكر الزي لا نو طبعا مبيفكرش زينا احنا دلوقتي كتبين كتبنا يعني بنلبس وكل وبنصرف نفتضرض ان انا بخد مراتب 1000 جنية ودة مستحيل طبعا تفتكر اني هعرف اكون نفسي منهم دي سؤال يا ريت تجوبني علية وانا بقولك في المشمش لو في شباب دلوقتي بيقبض 1000 جنية حسبي الله ونعمة الوكيل

  8. السلام عليكم يا عم محمد عطا
    ان شاء الله هاتفرج وهتجوز عيالك
    لان ربنا مابيرضاش بالظلم ابدا
    وطول ما ربنا موجود يعنى الرحمه موجوده
    وبدل ما تقول

    يا رب عندى هم كبير قول يا هم عندى رب كبير

  9. يا شباب بورسعيد …
    ان الله أحن على الوليد من والدته …
    والله هو خالقبا جميعا …
    فادعو الله معى أن ينزل الرحمة فى قلوب المسؤلين …
    انشاء الله فيه أمل لتعديل هذه الشروط …
    والله الناس جابت الاستمارات وبيدورم على حد يسلفهم المقدم …
    كان الله فى عون الشباب …

  10. يا استاذ محمد عطا
    واضح ان الموضوع لسه ماوصلكش
    هو انت لسه عندك امل في المسئولين!
    هو انت فاكر لسه ان هما بيعتبره نفسهم بيشتغلوا عندنا او لخدمتنا!
    يا بيه دا كل ما الواحد ارتفع في منصبه كل ما اعتبر الناس هيا الي لازم تخدمه! الموضوع مقلوب
    يا استاذ عطا
    ان فرعون استخف بقومه فأطاعوه
    انت بتتكلم وكأن الحكومه بتدينا هبه من عندها
    دا حقنا يا بيه من حق كل شاب الحصول على شقه بشروط مناسبه ومتوفره حسب قدره الشباب وبما ان الشباب اصبح عاطل وقاعد على القهوه لان الحكومه ماعدتش قادره على تشغيل الشباب وتوفير فرص عمل ليهم ياعني المنظومه بالكامل بايظه
    يا استاذ عطا بدل ما تقول ربنا ينزل في قلوبهم الرحمه قول
    ربنا يرحمهم جميعنا
    ويجي مكانهم ناس عندهم ضمير
    وبخصوص الشباب الي جابو الاستمارات وبيدوروا على حد يسلفهم المقدم
    فده انسب رد على المسئولين الي بيقولوا مين الي قال ان الشباب مش قادرين على دفع الاستمارات وأن الشروط صعبه كلام مش صحيح وهم يستدلون على ذلك بنفاذ كميه او عدد الاستمارات التي طرحت في المنافذ
    بكلمتك دي ان الشباب بيدوروا على حد يسلفهم المقدم برد بيها على البهوات

  11. حسبي الله ونعم الوكيل
    حسبي الله ونعم الوكيل
    حسبي الله ونعم الوكيل
    انا واحد من الناس كانت شقق المحافظه سبب في طلاقي من انسانه بحبها

  12. حرام كل الي بيحصل

  13. بسم الله الرحمن الرحيم
    فقلت استغفروا ربكم يممددكم بأموال وبنين ويجعل لكم جنات ويجعل لكم انهارا
    ما لكم لا ترجون لله وقارا
    صدق الله العظيم
    استعينوا بالله العلي العظيم
    لاالة الا الله
    محمدا رسول الله
    لا تستهون ويضحك عليك الشيطان حت تنسي الله وتفتكر ظلم الناس

اتصل بنا .. contact us