الرئيسية / الحقيقة TV / عاجل بلاغ للمجلس الاعلى للقوات المسلحه من بورسعيد

عاجل بلاغ للمجلس الاعلى للقوات المسلحه من بورسعيد

بلاغ من موقع الحقيقه المصريه للمجلس الاعلى للقوات المسلحه المصريه


الساده المجلس الاعلى للقوات المسلحه المصريه


تحيه طيبه وبعد
مقدمه لسيادتكم موقع الحقيقه المصريه موقع اخباري مستقل
الموضوع:حرصأ منا على الدور العظيم الذي قام به جيش مصر الابي في تلبيه بعض من مطالب الثوره التي هي مطلب الشعب المصري
وحرصآ منا على الشكل العام لضباط القوات المسلحه المصريه خاصه بعد التصرف الذي قام به بعض من ضباط الجيش المصري بميدان التحرير والذي برر من سيادتكم بأنه غير مقصود نعرض على سيادتكم هذا الفيديو الذي بدأ في الانتشار بمحافظه بورسعيد وهو لبعض من الجنود والضباط بالجيش المصري وبالزي العسكري يقومون بتعذيب مواطنين مدنيين ببورسعيد ونحن لا نعرف سبب القبض عليهم

وأيآ كان السبب فنحن لا نرضى ان يظهر ضباط الجيش المصري بهذا الشكل الذي ثورنا بسببه ضد ضباط شرطه والداخليه وطالبنا بمنع مثل هذه الممارسات تجاه الشعب المصري العظيم
ونحن على يقين بأن سيادتكم ستتخذون الاجراء الازم لمنع تكرار مثل هذه الافعال التي تسيئ لنا جميعآ


وبهذه المناسبه ننتهز الفرصه ونؤكد باننا كموقع اخباري مصري مستقل ندعم الثوره ومطالبها المشروعه وبما اننا ناشطين سياسيين مصممين على

اقاله الحكومه الحاليه التي يترأسها اللواء احمد شفيق والتي خرجت من رحم الرئيس المتنحي محمد حسني مبارك والتي تعتبر فاقده الشرعيه بالنسبه للشعب المصري العظيم

ونؤكد أيضآ على حريصنا التام على اسقاط اي رمز من رموز الفساد بمصر حتى تصبح مصر وقيادتها قدوه لكل العالم عن طريق اختيار هذه القياده بأراده شعبيه حقيقيه غير مزوره حتى نصل بمصر لدورها الريادي المعروف بين دول العالم في السابق ولنصل لاعلى درجات التقدم والاذدهار

وفي نفس الوقد  لاننكر دور الجيش المصري العظيم وقياداته بأنه أستجاب لجزء ليس بقليل من مطالبنا المشروعه ولكن ببطئ

لذلك نناشد المجلس الاعلى للقوات المسلحه المصريه بسرعه التحرك للاستجابه لمطالب الشعب ضد المفسدين أيآ كانت اسمائهم او مناصبهم بالدوله حتى لا نعطي فرصه لهؤلاء الفاسدين من توفيق اوضاعهم او اخفاء الحقيقه

وما جعلنا نناشدكم بذلك هو ماحدث مؤخرآ من حريق داخل مبنى وزاره الداخليه والذي بالتأكيد قد يكون اضاع الكثير من الملفات التي كان من الممكن ان تدين شخصيات كثيره مما جعل الشعب المصري يخاف ان تتكر مثل هذا الفعل في اي جهه مسئوله عن تقصي الحقائق او كشف الفساد


وأخيرآ نتقدم لكم بأسم الشعب المصري العظيم بخالص التقدير والاحترام والتحيه على المجهود المضاعف والمبذول منكم في حفظ الامن والامان لحدود مصر وداخلها  وتحيه لمصرنا العزيزه علينا جميعآ والتي سنظل ندافع عنها وعن كرامتها مادمنا احياء يرزقنا الله


وسنظل نردد دائمآ شعارنا الذي استلهمناه من موقفكم معنا وهو

الجيش والشعب ايد واحده


رئيس تحرير الموقع
تامر مبروك

0107141932

يرجى قبل كتابه اي تعليق مشاهده هذا الرابط اولا هنــــا

شاهد أيضاً

عاجل مفاجأة البدري فرغلي يكشف حقيقة اجتماعة بمحافظ بورسعيد

بورسعيد – مصر اجتمع النائب المخضرم البدري فرغلي بمحافظ بورسعيد عادل الغضبان بمبنى محافظة بورسعيد …

36 تعليق

  1. شوف حضرتك احنا انا من بورسعيد واحنا كنا بنستغيث بالجيش لحمايتا من بلطجيه زرزاره والحمد لله الجيش استجاب فورا وبعت قوات خاصه لينا واحتمال كبير جدا يكونوا دول البلطجيه الى كانوا رعبينا بدليل ان احنا ما اسمعناش عن اى اسره بورسعيديه اشتكت من اختفاء ابنها او من تعذيبه فبلاش نتثير بلبله فى البلد ونحن على ثقى تامه بجيشنا

  2. شوف حضرتك حتا لو سيتك فى اروبا وفيه بلطجيه عملوا كده كان ده هيبقا اسلوب الشرطه لان دول مكنوش شويه حراميه لا دول كانوا ارهابين احنا مش فى عالم ملائكى وحتا لو حضرتك معترض على راى لازم نعرف ان اخفاء خبر ممكن يكون فى مصلحه البلد عن ان احنا ننشره ونثير بلبله يلا ريت حضرتك تمسح الفيديو من يوتيوب لان فى ناس فكرها على قدها وممكن يفقدوا ثقتهم فى الجيش ونقع فى مشكله اكبر (الجيش والشعب ايد واحده)

  3. للعلم.. إن هذا الكليب تم تصويره أثناء حالة الانفلات الأمني التي تبعت انسحاب قوات الشرطة من مواقعها بعد ثورة يناير وهؤلاء الأشخاص الذين تم تصويرهم ليسوا مواطنين شرفاء وإنما هم مجموعة من مثيري الشغب والبلطجية واللصوص والهاربين من السجون جمعتهم الشرطة العسكرية من الطرقات في بورسعيد وعدة مدن أخرى.. بل وتم جمعهم أيضاً من بعض اللجان الشعبية التي ألقت القبض عليهم وخلصتهم الشرطة العسكرية منهم قبل قتلهم

  4. نظرا لما تمر البلاد به من فترة حساسة ومؤثرة فى تاريخ مصر ارجو الت؟أكد من تاريخ تصوير الفييو الذى يشير الى اهانة الجيش لمتظاهرين فى بور سعيد. فانا شاهدته اكثر من مره والواضح انهم مجموعة خارجة عن القانون وليسوا متظاهرين ابدا. وهذا واضح لانهم لايرتدون احذية وان التصوير كان فى الصباح. ارجو توخى الحذر.

  5. عزيزى كاتب المقال
    الناس اللى فى الفيديو دول من الحراميه و البلطجيه اللى اتمسكوا فى اعمال الشغب اللى فاتت و كمان اعمال ترويع المواطنين و ضرب النار فى الشوارع
    اقسم لك انهم يستاهلوا اكتر من كدا بكتير و ده حكم عسكرى اللى يخالف يستاهل

    انا حصل اقتحام من البلطجيه على منطقة سكنى و تم قتل 2 من جيرانى بسببهم و تم تبادل النار مع الجيش لمدة 3 ساعات حتى القبض عليهم هل تتخيل مدى ترويع المواطنين اللى تم من الساعه 4 صباحا حتى 7 صباحا
    ولى رجاء من حضرتك انك تغير عنوان المقال لانه بيسىء للجيش
    ولك منى كل الشكر

  6. يا استاذ تامر اوضح لحضرتك شوية نقاط
    اولا : ميعاد تصوير هذا الفيديو قديم كان فى اول نزول قوات الجيش الى الشارع لان حضرتك لو لاحظت هتلاقى ان العساكر واقفين بالشدة الميدانية الكاملة ” ودة كان الزى فى الاول ” وبعد كدة تم تغير هذا المظهر من العساكر
    ثانيا : انا ولا انت ولا اى احد يقبل العنف باى شكل من اشكالة بس يظهر ان حضرتك مش واخد بالك ان احنا بنتكلم عن تشكيل من الجيش وليس الشرطة .. وافراد القوات المسلحة هم افراد غير مؤهليين للتعامل مع الاضرابات الداخلية وفض المظاهرات فطبيعة تدريبهم هى للتعامل القتالى مع الجيوش
    ثالثا : لو حضرتك عديت على المحافظة فى بورسعيد او على المعدية الاسبوع قبل الماضى ولاقيت ان البلطجية فرضين سيطرتهم على الوضع بالشكل اللى كان موجود ومحدش من الناس عارف يتعامل معاهم نظرا لانهم كانوا مسلحيين وعددهم كبير ولما كانت اناس بتقول للجيش انتو بتلموش الناس دية لية كانوا بيقولا ان احنا عندتا اوامر بعدم التعرض ودة اللى خلى موقعة زى موقعة المعدية تحصل .. فقولى حضرتك انت عايز البلد تمشى ازاى
    رابعا : انت اكيد عارف طبيعة الناس دى وهى ملمومة على بعض بيبقو عاملين ازاى بيطاوا على الجميع كبير او صغير ويفرضوا اتاوات على النارة واصحاب المحلات ودة اقل حاجة تتعمل مع ناس من النوعية دىة
    خامسا : ابقى خش اتفرج على الدول اللى بتقول على نفسها دول متقدمة ودول تراعى حقوق الانسان كيف تتعامل مع المتظاهريين ومش بس كدة كمان مع اعضاء العصابات الاجرامية
    وشكرا لحسن استماعك

  7. ” إنما جزاء الذين يحاربون الله ورسوله ويسعون فى الأرض فسادا ً أن يقتلوا ويصلبوا أو تقطع أيديهم وأرجلهم من خلاف
    أو ينفوا من الأرض ذلك لهم خزى فى الدنيا ولهم فى الآخرة عذاب عظيم

  8. بورسعيد تعيش فى رعب من هؤلاء البلطجية الذين يظهرون فى الفيديو ونحن غير امنين وكنا نستدعى الجيش للقبض عليهم وهم قتلوا اشخاص ابرياء باستعمال السنج والمطاوى وايضا المسدسات المسروقة طبعا وهم يستحقون اكثر من هذا وغيرهم كثيرون موجودون وربنا ينجى بورسعيد واهلها من هؤلاء

  9. وايضا يتعرضون هؤلاء البلطجية المقبوضون عليهم فى الفيديو لبناتنا ونساءنا ويسرقون حقائبهم ويعيشوهم فى رعب خوفا من النزول فى الشارع والله المنجى

  10. ابعدو عن الجيش ومتحولوش توقعو بينة وبين الشعب
    ان مش الحقيقة انتو الوقيعة

  11. على فكرة الناس دى مش ملايكة اقسم بالله الناس دى ما بتنيمناش فى البيوت معيشانا كل يوم فى رعب دول حرقوا المحافظة ومديرية الامن ووقفوا المعديات فى بورفؤاد وضربوا ناس ومشين فى البلد تخريب ودمار والجيش طلع بيان فى الصفحة بتاعته ونبههم وهما برضة زبالة واغلبيتهم عايزين شقق واقسم بالله اغلبيتهم اخدين شقق وفى ناس منهم مش من بورسعيد اصلا بالله عليك انشر الكلام بتاعى لو انت فير

  12. من الواضح ان الناس دي بلطجية واسلوبهم واضح جدا ارجوا بلاش افترا وعمل فتنة …ما مصلحة الجيش في انه يضرب ناس شرفا لابد من انهم حرامية وبلطجية من الذين امتسكوا في بورسعيد .. وان كانوا شرفاء ارجوا من المحرر تسجيل مع اي فرد منهم من الذين راينا صورهم علي ان يوضح لماذا واين تم امساكة من قبل الجيش

  13. الناس دول اكيد هم مجموعة من الخارجين على القانون ..واكيد قاموا بعمليات ترويع للامنين وسلب ونهب وقد يكونوا قاموا بالاعتداء على منشأت حيوية …ومن الواضح من اسلوب ترجيهم لقوات الجيش انه نفس الاسلوب الذى يتبعه المجرمون دائما فى التوسل عند وقوعهم فى ايدى العدالة ..خصوصا انهم يعرفون ان الجيش ليس كالشرطة فهو اكثر حزما فى التعامل مع المجرمين وهم يخافون من مغبة وقوعهم فى ايدى الجيش ويخافون من ما ينتظرهم من عقاب….وانا اويد ان يقوم الجيش بتوقيع اقصى العقوبات على كل من يروع الامنين .

  14. عماد المصري - بورسعيد

    السلام عليكم

    استاذنا تامر اكيد انت عارف يعني انهم زرارة وشبول

    بس انا معـاك في نفس موقفك

    لو تحب اجيلك او تجيلي ونروح نكلم الحاكم العسكري ببورسعيد

    علشان يعمل ادانة للظباط السؤليين عن هذه المهزلة انا معاك

    والأيميل عندك

    ,,,

  15. الشرطة بتتعامل كده مع كل الناس
    لكن الجيش بيتعامل كده مع المجرمين والبلطجية بس

  16. بجد نفسنا البلد تنضف

  17. انا بس عايزه افهم حاجه يعني لما تمسكوا بلطجيه في الظروف الي احنا فيها دي هتعملوا ايه نسيتوا لما بتمسكوا حرامي بتعملوا فيه ايه ولا اللجان الشعبيه كانت بتعمل ايه فيهم بلاش نشر لفتنه متكونوش سبب في وقيعه بين جيش وشعب الناس دي عايشه في ضغط وظروف غير ادميه وكله بيضغط عليهم مظاهرات واعتصامات وطلبات ومش بينامو لا عارفين ياكلوا قبل ماتلوموا حد شوفوا نفسكوا دا فيه لجان شعبيه موتت ناس كمان دي ناس بتحرق وتخرب وتدمر بلد

  18. الى السيد ناشر الفيديو
    انا ها اسألك سؤالين
    السؤال الأول هو ده وقته عشان تنشر فيديو زي ده في الازمة اللي احنا فيها؟؟ وتولع بين الناس والجيش ؟؟ طيب لو الجيش ساب البلد مين اللي ها يحكم ويحافظ على الامن والأمان (( الشرطة مثلا ))بعد الاقسام اللي اتحرقت؟؟
    السؤال التاني
    مش دول البلطاجية اللي قلبوا بورسعيد عاليها واطيها
    وخلو كل الناس مرعوبة؟؟
    مش دول اللي دخلو البيوت وسرقوا وقتلوا واغتصبوا
    ده كده الجيش بيكرمهم آخر كرم للي عملوه ده

  19. بلاش توقيع يا افندية
    والفيديو نشرتوه على اليوتيوب
    جاب رد فعل عكس اللي انتوا متواقعينه

  20. خطاب النجارى

    لو سمحت يااستاذ قبل ماتنشر الفيديو دا طبعا شكر خاص انك نشرت الفيديو دا عشان لما البلطجية يتحركوا يكونوا عندهم علم بالى حصل فى بورسعيد تانى حاجة دول شوية شمامين انت عاوزهم يتعاملوا ازاى انا بشكر الجيش وتحية خاصة منى ليهم عشان الاسلوب الى اتعاملوا بيه مع الى زى دول لان دول هما الى سرقوا المحلات وكانوا مع الشرطة وكانوا بيطلعوا بيوتنا عشان يسرقونا ويبهدلونا وسببوا الرعب للشعب كله دا الاسلوب الصحيح مع الى زى دول عشان يكون عبرة للزيه وحرام عليك لما تقول دول مدنيين دول شكل مواطنين يااستاذ دول اشكال ناس معاها اثبات شخصية حتى وتحية اخيرة منى للظابط دا وشكرا لحضرتك على الفيديو

  21. واضح جدا انهم بلطجية وكمان مش دول بتوع زرزارة الى كانو عاملين ارهاب فى بورسعيد متقنعنيش ان الجيش يطبطب على كل الناس لازم يكون فى فرق معاملة البلطجية والناس كويسة والى حصل فى تحرير حالة استسنائية علشان حظر التجول والجيش هناك اعد ينبة قبليها بنص ساعة وكمان مكنش بيضرب زى ما الناس متخيلة كان بيخوف الناس بس انا كنت هناك

  22. طبعا انا مش قصدى انى اهين حضرتك او اتهمك بشئ احنا فى الاخر كلنا مصريين وكلنا شاركنا فى الثورة بس انا عايز اوصل لحضرتك حاجة مهمة مش كل الناس عارفة ان الناس اللى فى الفيديو ده بلطجية وبكدة هيكون فيه ازمة ثقة بين المواطنين والجيش وطبعا حضرتك هتكون مسئول عن ده .
    حاجة تانية مهمة لسه فيه كلاب للنظام السابق موجودين هتستغل الفيديو ده وتنشره بكثرة لانهم عايزين يشعلوا فتنة بين الشعب والجيش

  23. نعم للجيش فيما يفعلة دا اقل القليل دول لازم ياخدوا اعدام رمى بالرصاص دول بيخطفوا البنات وبيعتدوا على الناس وبيقتحموا الشقق ومنهم من تجرا على الجيش وقتل منهم ناس
    انتوا بتتكلموا فى اية دول خونة وكلاب

  24. تامر مبروك

    يا جماعه كل الاحترام لاي رأي طرح على هذا الموضوع
    ونحيطكم علمآ بأننا قمنا بايقاف عرض الفيديو احترام للجيش وهذه المؤسسه العسكريه العظيمه وذلك منعآ لفد الثقه بين المواطنين والجيش
    ولكن لازلنا نؤكد ان الاعتداء على اي انسان او حيوان تم السيطره عليه او اصبح مقيد امر مرفوض مهما كانت الاسباب
    ولابد ان يتم محاكمه هؤلاء بالقانون حتى لو وصل الامر لاقصى عقوبه ممكنه
    وشكرآ
    تامر مبروك
    رئيس تحرير الموقع

  25. اولاّ لناشر الفديو ان ارت ان تنشر شىء فى الوقت الحالى ده لازم تبقى عارف ايه اللى انت بتنشروا وتكتب تعليق علية لان شعب مصر كله بيثق فى الجيش المصرى اللى الان بيحمى شعب مصر فى داخل البلد وحدودها الخارجية فا أنت بالنشر اللى نشرتة ده فى ناس مش فاهمة ده ليه والناس مش ناقصة.
    ثانيا لمن كتب عن المادة الخامسة للدستور وبطالب الجيش بمحاكمة عادية ولا للتعذيب الحكم بالاعدام والتعذيب قليل على هولاء الناس ان كانوا من البلطجية اليوم فية بنات بغتصبوها واطفال بيتخطفوها واباء بيقتلوهم وازواج بيقتلوهم لو حاولوا الدفاع عن شرف ازوجهم او اخواتهم ولو انت مكان اى احد من هولاء الناس عزل السلاح وحدث ده لابنك او زوجتك اواختك اوامك او اخاك ماذا تفعل,
    انا عن نفسى بدون ان يحدث شىء لاى احد من افراض اسرتى لو وقع واحد من هولا الناس المجريمين فى يدى لا اسلموا الى القضاء قبل ان اعذبوا واقطع يده ورجلة ليعش العمر الباقى من حياته ليندم على ما فعلوا من ارهاب للناس والاطفال.

  26. فعلا انتى انسان ما بتفكرش او عايش فى مكان تانى غير بورسعيد بجد مش لاقى كلمات اقولها ليكى واقل شىء انك لا تعى بالواقع اللى حوليك أواللى بيحصل فى بورسعيد دول شويه بلطجيه وحرميه وسوابق يا سياده الصحفى او المحرر مش عارف انتى عايش فى كوكب تانى ولا فين بالضبط بالله عليك يا شيخ ما تتعبنا وتتعب الناس بفيديوهاتك التعبانه دى يا ريت الجيش يعمل اكتر من كده كمان إنت أصلا بورسعيدى ولا من زرزاره ولا من الشبول ولا ايه بالضبط أصلك بدافع عنهم وياريت تضحى بنفسك علشان اصدقائك اللى الجيش ما سكهم دول وبدافع عنهم ياريت معتدش تتكلم أحسن شعب بورسعيد ومصر كلها بتحب التراب اللى بيمشى عليه الجيش ( ايد واحده )

  27. تامر مبروك

    حضرتك انا مش من الشبول ولا من زرزاره ومادام انت مش عارف بتتكلم عن مين يبقى التمس ليك العذر وعلى فكره الكلمه دي (بتتكلم مع مين) مش الغرض منها الاهانه او التكبر لا سمح الله لكن ليها معان كتيييييييييييير ردآ على عبارتك اللي بتقول فيها اني من مكان تاني بس واضح فعلا انك اول مره تشوف الموقع ده وبرضوا عند رأيي مادام اي بلطجي تم السيطره عليه وتقييده لا يجوز الاعتداء عليه بدنيآ ولابد ان يقدم للمحاكمه اما لو لم يتم الاستطاعه ان نقبض عليه او نسيطر عليه فمن الممكن التعامل معه بأي طريقه حتى ولو كانت القتل

  28. تامر مبروك

    يرجى متابعه هذا الرابط للاهميه
    http://elhaqeqa.com/?p=7442

  29. تامر مبروك

    اتفق معك أ/yahia
    لكن الجيش ماعلمهوش انهم يصوروا الفيديو وهما بيتعاملوا مع هؤلاء البلطجيه
    ولا ايه رايك؟

  30. تامر مبروك

    اوافق على تغيير عنوان الموضوع وسيتم ذلك عن اقتناع

  31. تامر مبروك

    وانا اؤكد ايضآ انهم من الخارجين عن القانون ولم نقل غير ذلك

  32. تامر مبروك

    تم ايقاف عرض الفيديو فقط لسببين
    الاول هو احترامنا لمواقف الجيش المصري مع الثوره حتى الان
    الثاني عشان الناس اللي فكرها على قدها بس لا اعتقد ان في واحد هيروح للفيديو على النت ويكون فكره على قده!!

  33. انا من الاسكندرية الورديان المتراس ابلغ عن حولى عشرون قطعة سلاح الية مع شباب خارج عن القانون وهذا ليس بلاغ كذب وموضع اهتمام الشباب هم ابراهيم محمدفضل والزين محمدفضل ومحمدعباتة ومصطفى بسطرمةوبهاءسليمان فضلومصطفى ابراهيم فضل

  34. اقتلوا البلطجية لا يستحقون الرحمة نظفوا مصر منهم

  35. انا ملازم اول متقاعد/محمد على سيف الدين سنى 27 سنة واحلت للمعاش وشفيت بعد خروجى وعلى اتم استعداد لعرض على اى مجلس طبى لعودتى للخدمة وعلى اتم استعداد لرد مكافأة نهاية الخدمة حرام ارجع اخدم بلدى حد يرد عليا انا سنى صغير ولا اعمل فى اى مجال لاننى تربيت على العسكرية انا انسان ومصرى وبحب القوات المسلحة ووحيد والدى لم يكن لدى اخ او اخت ارجو من سيادتكم اتخاذ اللازم تجاهى مقدمه لسيادتكم/ملازم اول متقاعد/محمد على سيف الدين.الرقم العسكرى/124693.الاقدمية/40949.السلاح/وقود.الدفعة/98 حربية.محمول/01503844114.
    نفسى حد يرد عليا او يهتم بشكوتى انا كنت ضابط وبخدم بلدى حرام ارجع الخدمة انا على اتم استعداد لعمل اى شئ فى سبيل عودتى للخدمة وشكرا.

اتصل بنا .. contact us