Want to buy the best fake watches? Only we have the best price and quality - perfectwatches.cn

نشر بتاريخ: الأحد, 27 نوفمبر, 2011

ارشادات ومهام مندوب المرشح ما له وما عليه

انشر هذا
الوسوم

أعداد/ تامر مبروك
بشكل مبسط جدآ نعطي لكم ارشادات مندوب المرشح باللجنه الانتخابيه ويرجى من الساده المهتمين بهذه المهام مراجعتها واذا كان

هناك اي تعديل يمكن ان يتم كتابته في التعليقات ونحن سنقوم بالتعديل فورأ على الموضوع

ازاي تكون مندوب مرشح ما لك وماعليك
1- يجب ان تكون امام لجنتك من الساعه السادسه صباح ومعاك توكيلك من المرشح
2- يجب اظهار التوكيل لرئيس اللجنه وتتأكد من وجود بطاقتك الشخصيه معاك
3- تأكد من تسجيل اسمك في كشف مندوبين المرشحين وتقوم بالتوقيع امام اسمك على الكشف
4- اعرف عدد المنتخبين بلجنتك واطلب من رئيس اللجنه فرز عدد بطاقات الترشيح
5- تأكد وانت بتعد الورق ان البطاقات مختوم عليها ختم اللجنه العليا للانتخابات او رقم اللجنه او الدائره وان البطاقات مافيش فيها علامات مميزه او بها علامات على مرشح بعينه كذلك تأكد من ان الصناديق زجاجيه ومافيهاش ورق تصويت ولم تتأكد من كده سيتم برشمه الاقفال بالشمع الاحمر وختمها بخاتم اللجنه
6- تأكد من وجود ستاره غير شفافه مكان تصويت الانتخابات وان مافيش وراء الستاره اي دعايه او شيئ غريب خلفها
7- كل ما سبق بيتعمل قبل فتح باب التصويت بساعه واحده وبتوقع على محضر فتح باب التصويت
8- هيدخل ليك الناخب تأكد انه لا يحمل اي دعايه لاي مرشح ياعني مثلا تيشيرت او كاب دعايه لاي مرشح
9- ممنوع انك تسمح او تقول لحد من الناخبين اعطي فلان او علان داخل اللجنه او خارجها
10- اذا حدث ذلك من اي مرشح ابلغ رئيس اللجنه فورآ بذلك واذا وجدت الامر متعمد بشكل واضح اطلب من رئيس اللجنه عمل محضر ضد هذا المندوب
11- تأكد ان الناخب اسمه ورقمه مدون في اللجنه اللي انت فيها وانه وقع امام اسمه او بصم اذا كان لا يجيد القراءه والكتابه
12- هيجيلك واحد كفيف او به عجز او مابيعرفش يقرأ ويقولك انا مش عارف ادي لمين تطلب من رئيس اللجنه او مساعديه قراءه اسماء او رموز المرشحين وتلاحظ انه بيقول بحياد دون التنويه او الاشاره لمرشح بعينه
13- هيقولك انا مش عارف اصوت ازاي لفلان الفلاني ساعتها تطلب من مساعد او رئيس اللجنه انه يدخل مع الناخب خلف الستاره ويعلم على المرشح اللي يقول الناخب عليه وممكن يكون معاك اكثر من مندوب مرشح في هذه اللحظه
14- هيكون معاك ورقه وقلم وتعد كل واحد يدخل يصوت بشرطه وكل 5 تعمل عليها حزمه
15- تأكد من ان الناخب قبل ما يخرج غمس صابعه في الحبر الفسفوري وماتسمحش لحد يخرج من الناخبين غير كده
16- اوعى تسيب لجنتك وتمشي ولو عايز مثلا تروح الحمام لازم تتصل بمندوب زميلك يكون مكانك لغايه ماترجع
17- طيب لو لاقيت مخالفات بتحصل في اللجنه ومافيش تجاوب من رئيسها هعمل ايه ؟ أكتبها عندك في الورقه ومالكش دعوه بأي حد وماتحتكش بحد على طول تتصل بالمرشح بتاعك تبلغه او مندوب المرور او أنتظر لما اي حد من المنظمات الاهليه اللي بتراقب على الانتخابات تمر عليك وبلغهم وتأكد من تسجيله هذه المخالفه ياعني من الاخر اوعى تحتك او تعادي رئيس اللجنه او من معه حاول بأي شكل تكسبه لصفك بحيث لايكون معك ولا يكون ضدك
18- هيجيلك اكل او ميه او اي شيئ من اي مرشح او منوب مرشح معاك ارفض بأدب وخليك مع الحاجه اللي هتجيلك من مرشحك فقط
19- طيب ميعاد غلق اللجان انتهى وفي ناس واقفه داخل المدرسه او امام اللجنه اعمل ايه يجب السماح لجميع الناخبين في هذه الحاله بالتصويت مهما كان عددهم شرط ان يكون باب المقر الانتخابي او المدرسه مغلق في الميعاد والناس دي فعلا جوه المقر الرئيسي ولو رفض اي حد بلغ فورآ مرشحك بذلك
20- هيتم بعد كده حصر عدد البطاقات الانتخابيه اللي لسه ماحدش صوت فيها وتقارنها بالعدد الاصلي عشان تعرف كام واحد صوت في اللجنه عندك وتقارن هذا الفرق بشيئين الاول الورقه اللي انت كنت بتعد فيها (نظام الحزم) والاسماء اللي وقعت امام اسمائها في كشوف التوقيعات لو لم يتطابق جمع العدد الموجود في الكشف مع عدد البطاقات اللي ماحدش صوت فيها يبقى في حاجه غلط وفي جميع الاحوال لازم تكتب في ورقه عندك الاعداد دي وتبلغ مرشحك بيها
21- بعد كله ده هيجي رئيس اللجنه ويغلق فتحه الصندوق من فوق بقطعه قماش ويبرشمها بالشمع ويضع عليها خاتم اللجنه تأكد ان فتحه الصندوق تم اغلاقها تمامآ مهما كان طريقه الغلق عشان ماحدش يدخل ورقه اثناء النقل بالصندوق
22- اهم حاجه ان في عمليه نقل الصناديق لازم يكون عينك عليها وتكون معاها اما في نفس السياره المخصصه بنقل الصناديق او بسياره خاصه يوفرها ليك المرشح عشان تمشي وراء سياره الصناديق لغايه ما تدخل الانتخابات في المقر الرئيسي لفرز الصناديق وتسلم الصناديق اما لمرشحك او لمندوب فرز المرشح الخاص بك
23- اثناء عمليه الفرز احذر الاحتكاك بحد بره او جوه مقر الفرز الرئيسي ولا تنصاع امام اي استفزازات من اي حد
24- ممكن يكون في حاجات ماقولنهاش هتقابلها في هذه العمليه تقدرك بذكائك تتعامل مع الموقف او تتصل بمرشحك او من ينوب عنه تسأله هعمل ايه وحتى لو رفض رئيس اللجنه انه ينفذها لا تحتك به اطلب مرشحك او زي ماقولنا بلغ اي حد من منظمات المجتمع المدني اللي بيراقبوا الانتخابات عليها او اسئله عنها

معلومات عن الكاتب

-

  • شاهد كاملا كلمات محاميين بورسعيد المدافعيين عن متهميين التظاهر لمشروع الاسكان الاجتماعي : الحقيقة المصرية علق على تامر مبروك في كلمتة بنقابة محاميين بورسعيد سأتغاضى عن الخلافات وامد يدي للجميع من اجل ابناء بورسعيد
  • محافظ بورسعيد المرحلة الاولي الاولية للمطلقات والارامل نظرا لقلة عددهم وبناء بورسعيد وجزء من الشباب المرحلة الثانية : الحقيقة المصرية علق على نص ما جاء بالفيديو من الغضبان: لمتقدمي مشروع الاسكان الاجتماعي . انت بتهيج الشارع ومافيش تسليم
  • خطير فتيات الليل في مصر ومهمَّة انتزاع الأعضاء البشرية,ضحايا يُقدِّمون شهاداتٍ صادمةً ومستشفيات تتستّر على الجناة : الحقيقة المصرية علق على Prostitutes tempt migrants to sell their organs in Egypt – report
  • Said Faisal Hassan AL-Sultany علق على فيديو حلقه العاشره مع اخت المصريين جميله اسماعيل المذبوحه و عميل النظام المدعو موسى مصطفى … موسى اهان اليسار المصري وجريده البديل المصريه وفشل في تعاطف المشاهدين ونجح في احراق الغد ؟
  • القصه كامله حول النصب علي هشام رافت من شركه كويلتنج ايجبت مع نص الدعوي المقدمه للمحكمه علق على شركه اللوتس للملابس الجاهزه ومشتقتها ببورسعيد الى اين؟.. انقذوا عمال مصر من مستثمريها

  • Plugin for Social Media by Acurax Wordpress Design Studio
    Visit Us On TwitterVisit Us On FacebookVisit Us On YoutubeVisit Us On LinkedinVisit Us On Instagram